સમગ્ર વિશ્વમાં મંકીપોક્સનો ખતરો ઉભો થયો છે અને આ બીમારીને લઈને ભારત સરકાર પણ એલર્ટ થઈ ગઈ છે. ખતરનાક એમપોક્સ એટલે કે મંકીપોક્સે હવે ભારતના પાડોશી દેશ પાકિસ્તાનમાં દસ્તક દીધી છે. આને ધ્યાનમાં રાખીને કેન્દ્ર સરકાર એક્શનમાં આવી ગઈ છે.
કેન્દ્ર સરકારે રાજ્યો સાથે બેઠક કરી છે અને તેમને આનો સામનો કરવા માટે તૈયાર રહેવા જણાવ્યું છે. સાથે જ બાંગ્લાદેશ અને પાકિસ્તાનના એરપોર્ટ, બંદરો અને સરહદોના અધિકારીઓને આવનારા આંતરરાષ્ટ્રીય મુસાફરો વિશે સાવચેત રહેવા જણાવ્યું છે. ખાસ કરીને જે લોકોમાં મંકીપોક્સ (એમપોક્સ) ના લક્ષણો દેખાય છે તેમના વિશે વધુ સાવચેત રહેવા માટે કહેવામાં આવ્યું છે.
MPox વાયરસ ખૂબ જ ઝડપથી ફેલાય છે. સરકાર દ્વારા એરપોર્ટ અને હોસ્પિટલોને એલર્ટ કરવામાં આવ્યા છે. દેશના તમામ એરપોર્ટ-બોર્ડર પર મંકીપોક્સ એલર્ટ કરવામાં આવ્યું છે અને દિલ્હીની 3 હોસ્પિટલોમાં આઇસોલેશન વોર્ડ બનાવાયા છે.
સાથે જ રાજ્યોની હોસ્પિટલોમાં મંકીપોક્સના દર્દીઓ માટે જરૂરી વ્યવસ્થા કરવા સૂચના અપાઈ છે. અત્યાર સુધી રાહતની વાત એ છે કે ભારતમાં હજુ સુધી મંકીપોક્સનો કોઈ કેસ નોંધાયો નથી.
