તાપીમાં ધોધમાર વરસાદના કારણે સ્થાનિક નદીઓ બે કાંઠે વહી રહી છે. વ્યારા-વાલોડથી પસાર થતી જાખરી અને વાલ્મિકી નદી છલકાઈ છે. નદી કાંઠા પાસે આવેલા ઘરો પાણીમાં ઘરકાવ થયા છે. કેટલાક ઘરોમાં નદીના પાણી ભરાઈ જતા વિકટ પરિસ્થિતિમાં લોકો મુકાયા છે.
સ્થાનિકોની ઘરવખરી અને અનાજ પાણીમાં તણાયું છે. સ્થાનિક લોકોએ સરકાર પાસે સહાયની માગ કરી છે. નદી કાંઠાના ગામોમાં ફસાયેલા લોકોને બહાર કાઢવા તંત્ર કામગીરી હાથ ધરી છે. જો કે પાણીમાં ફસાયેલા લોકોને ફાયર વિભાગ, NDRF અને SDRFની ટીમ દ્વારા સુરક્ષિત સ્થળે ખસેડવામાં આવ્યા છે.