વાપી જીઆઇડીસીમાં મોબાઇલમાં લુડો એપ ઉપર જુગાર રમતા ચાર આરોપીની પોલીસે ધરપકડ કરી તેઓ પાસેથી રોકડા અને મોબાઇલ કબજે કરાયો હતો.
વાપી જીઆઇડીસી પોલીસની ટીમ બુધવારે રાત્રે પેટ્રોલીંગમાં ફરી રહી હતી. ત્યારે બાતમી મળી હતી કે, કચ્છી માર્કેટ મામુ ચા ની પાસે ખુલ્લામાં કેટલાક ઇસમો મોબાઇલમાં હારજીતનો જુગાર રમી રહ્યા છે. જેથી પોલીસ સ્થળ ઉપર પહોંચી હતી અને 4 લોકો લુડો એપ્લિકેશન ઉપર હારજીતનો જુગાર રમતા નજરે પડ્યા હતા. પોલીસે રોકડા રૂ. 950 અને એક ફોન કિં. રૂ. 5000 કબજે લઇ આરોપી અમીર ઉલ્લા જબી ઉલ્લા શેખ ધંધો-ઇલેક્ટ્રિક વાયરીંગ, આશિષ અબ્દુલ સિદ્દીકી ધંધો-ઇલેક્ટ્રિક વાયરીંગ, અઝરૂદ્દીન નિઝામુદ્દીન ખાન ધંધો-પીઓપી અને ઇઝમામ ઇલીયાસ ખાન ધંધો-વેપારી તમામ રહે. વાપી ની ધરપકડ કરી પોલીસે જુગાર ધારા મુજબની કાર્યવાહી હાથ ધરી હતી.
