અમદાવાદમાં ફરી થશે ટ્રમ્પ જેવો જ ભવ્ય રોડ શૉ: UAEથી આવી રહ્યા છે જાજરમાન મહેમાન, PM મોદી કરશે સ્વાગત

વાઈબ્રન્ટ ગુજરાત સમિટ પહેલા વડાપ્રધાન નરેન્દ્ર મોદી અમદાવાદમાં સાત કિલોમીટર લાંબો રોડ શો કરશે. PM મોદી 9 જાન્યુઆરીએ UAEના રાષ્ટ્રપતિ સાથે અમદાવાદ એરપોર્ટથી સાબરમતી આશ્રમ સુધી રોડ શો યોજાશે. આ રોડ શો સાબરમતી આશ્રમ પહોંચ્યા બાદ સમાપ્ત થશે. બીજા દિવસે વાઈબ્રન્ટ સમિટનું ઉદ્ઘાટન કરશે.

• PM મોદી વાઈબ્રન્ટ સમિટ પહેલા અમદાવાદમાં રોડ શો કરશે
• PM UAEના રાષ્ટ્રપતિ સાથે સાબરમતી આશ્રમ જશે
• PM મોદી બીજા દિવસે વાઈબ્રન્ટ સમિટ 2024નું ઉદ્ઘાટન કરશે

વાઈબ્રન્ટ ગુજરાત સમિટ પહેલા વડાપ્રધાન નરેન્દ્ર મોદી UAEના પ્રમુખ પ્રિન્સ શેખ મોહમ્મદ બિન ઝાયેદ અલ નાહયાન સાથે રોડ શો કરશે. UAEના રાષ્ટ્રપતિ વાઈબ્રન્ટ સમિટમાં ભાગ લેવા ભારતની મુલાકાતે છે. તેઓ 9 જાન્યુઆરીએ ગુજરાતના અમદાવાદ પહોંચશે. પીએમ મોદીના UAEના રાષ્ટ્રપતિ સાથે ઘણા સારા સંબંધો છે. UAE ના રાષ્ટ્રપતિ MBZ તરીકે ઓળખાય છે. ગાંધીનગરના મહાત્મા મંદિર ખાતે 10 જાન્યુઆરીથી શરૂ થનારી ત્રણ દિવસીય વાઇબ્રન્ટ સમિટ માટે ગુજરાત સરકાર દ્વારા અભૂતપૂર્વ તૈયારીઓ કરવામાં આવી છે.

સાબરમતી આશ્રમ સુધી રોડ શો
પીએમ નરેન્દ્ર મોદી UAEના રાષ્ટ્રપતિ સાથે અમદાવાદ એરપોર્ટથી સાબરમતી આશ્રમ સુધી રોડ શો કરશે. વડાપ્રધાન પણ 9 જાન્યુઆરીએ અમદાવાદ આવવાના છે. UAE રાષ્ટ્રપતિને આવકારવાની સાથે સાથે વડાપ્રધાન મોદી તેમને રોડ શો દ્વારા રાષ્ટ્રપિતા મહાત્મા ગાંધીના સાબરમતી આશ્રમ લઈ જશે. UAEના પ્રમુખ પ્રિન્સ શેખ મોહમ્મદ બિન ઝાયેદ અલ નાહયાન તે રાજ્યના વડાઓમાં સામેલ છે. જેઓ વાઈબ્રન્ટ ગુજરાત સમિટમાં ભાગ લઈ રહ્યા છે. આ સમિટ ગાંધીનગરના મહાત્મા મંદિર ખાતે 10 થી 12 જાન્યુઆરી સુધી ચાલશે. ગુજરાત સરકારના અધિકારીઓના જણાવ્યા અનુસાર આ રોડ શો સાબરમતી આશ્રમ ખાતે પૂર્ણ થશે. UAEના રાષ્ટ્રપતિને માત્ર વડાપ્રધાન નરેન્દ્ર મોદી જ આવકારશે.

વાઇબ્રન્ટ સમિટમાં પીએમ મોદીનું યોગદાન
ગુજરાતમાં વાઇબ્રન્ટ સમિટ વડાપ્રધાન નરેન્દ્ર મોદીએ 2003માં શરૂ કર્યો હતો. PMએ સમિટના 20 વર્ષ પૂરા થવા પર સમિટ ઑફ સક્સેસ પ્રોગ્રામમાં ભાગ લીધો હતો. પીએમ મોદીએ આ સમિટમાં ગુજરાતના વિકાસનો મોટો શ્રેય આપ્યો હતો. આ વખતે સમિટમાં 28 દેશો ભાગીદાર બન્યા છે. સમિટમાં 1 લાખ મહેમાનો ભાગ લે તેવી અપેક્ષા છે. સમિટને કારણે અમદાવાદની હોટેલો 8 જાન્યુઆરીથી 12 જાન્યુઆરી સુધી ફુલ થઈ ગઈ છે.