રાષ્ટ્રપતિ દ્રૌપદી મુર્મુએ ગુરુવારે (24 જાન્યુઆરી) 75માં પ્રજાસત્તાક દિવસની પૂર્વ સંધ્યાએ રાષ્ટ્રને સંબોધિત કરતા કહ્યું કે, ભારત લોકશાહીની માતા છે. આ દરમિયાન તેમણે લોકશાહી, બંધારણ, ઈસરો, સેના અને યુવાનો સહિત ઘણી ઘટનાનો ઉલ્લેખ કર્યો.
રાષ્ટ્રપતિ મુર્મુએ કહ્યું કે, આપણા ગણતંત્રનું 75મું વર્ષ, ઘણી રીતે, દેશની યાત્રામાં એક ઐતિહાસિક સીમાચિહ્નરૂપ છે. રાષ્ટ્ર અમૃત કાલના પ્રારંભિક વર્ષોમાં છે અને તે યુગના પરિવર્તનનો સમય છે. તેમણે વધુમાં કહ્યું કે, "લોકશાહી પ્રણાલી પશ્ચિમી લોકશાહીની કલ્પના કરતાં ઘણી જૂની છે, તેથી જ ભારતને 'લોકશાહીની માતા' કહેવામાં આવે છે."રાષ્ટ્રપતિ દ્રૌપદી મુર્મુએ કહ્યું કે હું દેશને શુભેચ્છા પાઠવું છું. આવતીકાલે આપણે બંધારણના પ્રારંભની ઉજવણી કરીશું. બંધારણની પ્રસ્તાવના વી ધ પીપલથી શરૂ થાય છે. આ શબ્દો આપણા બંધારણના મૂળ વિચારને રેખાંકિત કરે છે. લોકશાહી પ્રણાલી પશ્ચિમી લોકશાહીની કલ્પના કરતાં ઘણી જૂની છે, તેથી જ ભારતને 'લોકશાહીની માતા' કહેવામાં આવે છે.
તેમણે વધુમાં કહ્યું કે પ્રજાસત્તાક દિવસ આપણા મૂળ મૂલ્યો અને સિદ્ધાંતોને યાદ કરવાનો એક મહત્વપૂર્ણ અવસર છે. જ્યારે આપણે તે મૂળભૂત સિદ્ધાંતોમાંથી એક પર વિચાર કરીએ છીએ, ત્યારે અન્ય તમામ સિદ્ધાંતો સ્વાભાવિક રીતે આપણા ધ્યાન પર આવે છે.
રાષ્ટ્રપતિ મુર્મુએ શું કહ્યું?
રાષ્ટ્રપતિએ કહ્યું કે, ભારત ચંદ્રના દક્ષિણ ધ્રુવ સુધી પહોંચનાર પ્રથમ દેશ બન્યો છે. અમને હંમેશા અમારા વૈજ્ઞાનિકો અને ટેક્નોલોજિસ્ટ્સ પર ગર્વ છે, પરંતુ હવે તેઓ પહેલા કરતા વધુ ઊંચા લક્ષ્યો નક્કી કરી રહ્યા છે અને તે મુજબ પરિણામો પ્રાપ્ત કરી રહ્યા છે.તેમણે વધુમાં કહ્યું કે 'નારી શક્તિ વંદન એક્ટ' મહિલા સશક્તિકરણનું ક્રાંતિકારી માધ્યમ સાબિત થશે.રાષ્ટ્રપતિ દ્રૌપદી મુર્મુએ કહ્યું કે, સરકારે આગામી પાંચ વર્ષ સુધી 81 કરોડથી વધુ લોકોને મફત અનાજ આપવાનો નિર્ણય કર્યો છે. સંભવતઃ, આ ઇતિહાસમાં તેના પ્રકારનો સૌથી મોટો લોક કલ્યાણ કાર્યક્રમ છે.
