ઉચ્છલ તાલુકાના કરોડ ગામમાં રહેતાં દિનેશ નટવરભાઈ વળવી અતુલ ઓટો રીક્ષામાં મુસાફરો ની હેર ફેર કરે છે. દિનેશભાઇ પોતાની રિક્ષામાં ઉચ્છલ થી મુસાફરો ભરી કરોડતરફ જવા નીકળ્યાં હતાં.આઓટો રીક્ષા ટાવલી થી કરોડજતાં રોડ પર ફૂલઉમરાણ ગામના સ્મશાન પાસે થી પૂરઝડપે પસાર થતી હતી. ત્યારે અચાનક રોડ ની ડાબી બાજુ પલટી ખાઈ જતાં અફરા તફરી મચી ગઇ હતી.
આ અકસ્માતનો બનાવ નોંધાતા આસપાસ ના લોકો દોડી આવી રીક્ષા નીચેથી મુસાફરોને બહાર કાઢ્યા હતાં.આ બનાવમાં લક્ષ્મીબહેન વજર્યાભાઈ વળવી(61) રહે.પટેલ ફળિયું કરોડને માથામાં અને શરીરે ગંભીર ઇજા થતાં તેમનું સ્થળ પર જમોત થયું હતું. જ્યારે વિજયભાઇ દિતયા ભાઈ વળવી નામના યુવકને પગમાં અને શરીરે ગંભીર ઇજા થતાં તેને સારવાર અર્થે હોસ્પિટલમાં ખસેડવામાં આવ્યો હતો. જ્યારે અન્ય બે ત્રણ મુસાફરોને નાનીમોટી ઇજા થઇ હતી. આ બનાવ અંગે રિક્ષા ચાલક દિનેશ નટવર વળવી સામે ઉચ્છલ પોલીસ મથકે ગુનો દાખલ કરવામાં આવ્યો હતો.
