સોનગઢ તાલુકાના કિકાકુઈ ગામની સીમમાંથી પ્રસાર થતાં ને.હા.નં.૫૩ ઉપર અકસ્માતમાં યુવાનનું મોત

• સુરત ધુલીયા ને.હા.નં.૫૩ ઉપર વ્યારા થી સોનગઢ જતા રોડ ઉપર અકસ્માત 
• બાઈક સવાર 33 વર્ષીય યુવકનું મોત નિપજ્યું 
• વાહનચાલક વાહન લઇને ફરાર 

તાપીજીલ્લાના સોનગઢ તાલુકાના કિકાકુઈ ગામની સીમમાંથી પસાર થતા સુરત ધુલિયા ને.હા.નં.૫૩ ઉપર વ્યારા થી સોનગઢ  જતા રોડ ઉપર કિકાકુઈ પાટીયા પાસેથી દર્પણભાઈ  ગુણવંતભાઈ  પટેલ (ઉ. વ.33) પોતાના કબજા ની મોટરસાયકલ નંબર .GJ-10-BK-6438 પર સવાર થઈને પસાર થઈ રહ્યા હતા. તે વેળાએ કોઈ અજાણ્યા વાહન ચાલકે તેમને ટક્કર મારી દેતા અકસ્માત સર્જાયો હતો. અકસ્માતમાં દર્પણ પટેલને શરીર ગંભીર ઈજાઓ થતાં  સ્થળ પર જ મોત નીપજ્યું હતું જોકે વાહનચાલક વાહન લઇને નાસી છૂટયો હતો. ત્યારે સોનગઢ પોલીસે અકસ્માત અંગે ગુનો નોંધી આગળની કાર્યવાહી હાથ ધરી છે.