પોલીસ વાનમાં જ પોલીસ અધિકારીઓ જ દારૂ પાર્ટી કરતા ઝડપાયા, જાગૃત નાગરિકે ભાંડો ફોડ્યો

વડોદરાના મુંજ મહુડા હનુમાનજી મંદિર પાસે પોલીસ વાનમાં જ પોલીસ અધિકારીઓ જ દારૂ પાર્ટી કરતા ઝડપાયા, જેપી પોલીસ સ્ટેશનમાં પ્રોહીબિશન એક્ટ હેઠળ ગુનો નોંધાયો

 

• વડોદરામાં મુંજ મહુડા હનુમાનજી મંદિર પાસે પોલીસ વાનમાં જ દારૂ પાર્ટી
• પોલીસ વાનમાં જ પોલીસ અધિકારી દારૂની મહેફીલ માણતા ઝડપાયા
• પોલીસ વાનમાં જમાદાર સહિત ત્રણ શખ્સો માણતા હતા દારૂની મહેફીલ

રાજ્યમાં ફરી એકવાર ખાખી કલંકીત થઈ છે. વડોદરાના મુંજ મહુડા હનુમાનજી મંદિર પાસે પોલીસ વાનમાં પોલીસ અધિકારીઓ જ દારૂ પાર્ટી કરતા હોવાનું સામે આવ્યું છે. પોલીસ વાનમાં જમાદાર સહિત ત્રણ શખ્સો દારૂની મહેફીલ માણતા ઝડપાયા છે.

પોલીસ અધિકારી દારૂની મહેફીલ માણતા ઝડપાયા
હેડ કોન્સ્ટેબલ દશરથસિંહ સરવૈયા સાથે અન્ય 2 શખ્સો ઝડપાયા છે. અત્રે જણાવીએ કે, જેપી પોલીસ સ્ટેશનમાં ફરજ બજાવતા હેડ કોન્સ્ટેબલ દશરથસિંહ સરવૈયા ઝડપાયા છે. જાગૃત નાગરિકે પોલીસને જાણ કરતા સમગ્ર ભાંડો ફૂટ્યો છે. જાગૃત નાગરિકે પોલીસને જ જાણ કરતા ત્યાં પોલીસ અધિકારી તપાસમાં આવ્યા હતાં. જે લોકોની તપાસમાં કરતા ત્રણેય પીધેલા હોવાનું સામે આવ્યું છે. આ ત્રણેય વિરુદ્ધ જેપી પોલીસ સ્ટેશનમાં પ્રોહીબિશન એક્ટ હેઠળ ગુનો નોંધાયો છે.

ખાખી પર ડાઘ
રાજ્યમાં અવાર-નવાર ખાખી પર ડાઘ લગાવના કિસ્સાઓ વધી રહ્યાં હોય તેવું જણાઈ રહ્યું છે. થોડા દિવસ અગાઉ પણ એક પોલીસમેન નશાની હાલતમાં હોવાનો આક્ષેપ થયો હતો. તો બીજી તરફ બૂટલેગરો સાથે અનેક વાર ઓડિયો પણ વાયરલ થતાં હોય છે. જો કે, આ તમામ બાબતો સમગ્ર પોલીસની છાપ પર અસર કરતી હોય છે, જેના કારણ નાગરિકોના મનમાં પોલીસ પ્રત્યની છાપ પર મોટી અસર પડતી હોય છે.